Pagbubunyag.

Minsan, kailangan mo din ipakita kung sino ikaw sa ibang tao upang ikaw ay mas lalong maintindihan.
Matagal ko na din suot-suot ang maskarang nagtatago sa aking tunay na katauhan, ngunit may mga pagkakataon na kailangan mong iharap ang taong nagtatago sa likod ng nito.

Hindi ako nagsisisi sa desisyong ito, kahit na iilan lamang ang nakakaalam ng aking tunay na katauhan, ang alam ko ay masaya ako't malaya na.

21.

bente-unong bagay na tungkol sa akin.

1.   Isa akong tulog mantika. Kahit na naka-set na yung phone ko na mag-ring ng ilang beses (one hour
      interval) hindi ko siya naririnig kahit na katabi ko lang ito matulog. Maximum volume na yun ah.

2.   Takaw-tingin akong tao, yung sa tingin ko ay mauubos ko siya ng isang upuan hanggang sa
      mabusog na lang ako at hindi ko pa siya nauubos.

3.   Matagal din akong kumain, gusto ko kasi yung na-chew ko siya ng husto bago ko lunukin yung pagkain (nung bata daw ako, naka-blender yung mga pagkain na binibigay ni mama, so baka dun ko nakuha yung ugaling yun)

4.   Isa akong tech geek, yung tipong pagkauwi ko ng bahay, eh hindi pwedeng hindi ko mababasa yung mga latest sa gadgets and anything about technology. Lahat na ata ng cellphone reviews nabasa ko na.

5.   Hindi ako OC na tao, pero kung maghahanap ka ng bagay na sobrang organized sa akin, yun ay      yung itunes playlist ko.

6.   Malakas akong magpatugtog, pati kapitbahay pwedeng maki-jamming.

7.   Nakakatulog ako na full-volume ang speaker at sarado lahat ng bintana at pinto, walang bentilador at      naka-comforter pa ako

8.   Gusto ko maglakad ng pagkalayo-layo, yung wala namang gagawin, lalakad lang.

9.   Nag-champion kami sa isang ballroom dancing competition.

10. Mas marami pa ata akong jackets/sweatshirt/cardigans kesa sa mga polo and shirt.

11. Ako panganay sa amin, ako lang naman ang pinakamaliit.

12. Mas gusto ko ang mag-commute kaysa sa mag-dala ng sasakyan na kakarag-karag.

13. Impulsive buyer ako, kaya malala kapag may dala akong pera sa bulsa, tiyak na pag-uwi ko, simot       ito.

14. Balak ko pang kumuha ng isa pang course, interior design o architecture.

15. Hindi pa ako nakaka-nuod ng concert na binayaran ko.

16. Bago ako mag-college, mabibilang lang sa daliri ang mga movies na pinanuod ko sa sinehan.

17. Associated sa brand o produkto ang aking pangalan at birthday.

18. Madali mong makikita ang mood ko, simply by looking at my face.

19. Madalas ako nakakawala ng wallet or coin purse na may malaki-laking halaga ng salapi.

20. Kaya kong kumain lang ng isang beses sa isang araw at manalagi sa kwarto ng isang buong araw.

21. Kinakausap ko sarili ko mag-isa, parang baliw lang.

Ang hirap pala mag-isip ng mga bagay-bagay na tungkol sa iyo, so far yan lang naman naisip ko, next year, i-update ko naman ulit siya, 22 things naman.

Lost.

Have you ever been so lost
Know the way and still so lost
Another night waiting for someone to take me home
Have you ever been so lost

-LOST (Katy Perry)

Nawawala ako. Hindi ko na alam ang gagawin ko.

Maraming mga bagay ang gumugulo sa isipan ko. Mabibilis at hindi inaasahang pangyayari ang isa-isang dumadating. Hindi na kinakaya ng katawan ko, hindi na kinakaya ng utak ko.

Malapit na akong sumabog. Nauubos na ang lakas ko.
May gusto akong gawin, ang maghahanap ng ibang gagawin.

Kung kaya lang mawala ang lahat ng ito sa isang sigaw lang, ginawa ko na.
Kung kaya lang mawala ang lahat ng ito sa isang iyak lang, ginawa ko na.
Kung kaya lang mawala ang lahat ng ito sa isang tulog lang, ginawa ko na.

Ngunit hindi kaya, oo, mababawasan ito, ngunit pagkatapos kong sumigaw, umiyak at matulog, ano ang mapapala ko? ano ang mangyayari? makakabalik na kaya ako?

Ang sarap siguro mawala lang ng isang araw, hindi magpaparamdam sa kahit sino man, at gawin ang mga gustong gawin, wala lang akong lakas ng loob. mahina pa ako. takot.

kailangan ko magipon ng sapat na lakas ng loob para humarap sa ibang mundo. kailangan kong makilala lalo ang sarili ko. nawawala talaga ako.

Sana, mahanap ko na ang hinahanap ko.

Innuendo.

Isang sandaling di makapagsalita.
Sa kabila ng mga matang umaapila.
Sana'y dinggin ang isang panalangin.
Habang buhay na haharapin.

Nangangarap. Naghihikahos.
Isipang may dalang panaghoy.
Damdaming nais iparinig.
Sa lahat ng dumadaing.

Battlefield.

lost in the crowd, finding my self out.
I am left vulnerable by those sleazy thoughts.
sometimes wondering, how? why? then?

=-=-=-=-=-=-=-=-=-=-=-=-=-=-=-=-=-=-=-=-=-=-



Ang buhay ay isang malaking 'battlefield'. Di mo alam kung kailan ka masusugatan, di mo alam kung kailan ka mananalo sa isang laban. Di mo din malalaman kung kailan ka makakapagpahinga kahit saglit lang. Kailangan mong lumusong ng lumusong, laban lang kung laban, kung hindi mo gagawin yun, ikaw ang matatalo, ikaw ang mako-corner ng sarili mong laban. Ikaw ang talunan sa bandang huli. Marami, iba't iba ang uri ng laban, depende yan sa tao, depende yan kung ano ang nais niyang harapin, depende yan kung saan siya mahina, depende yan kung saan siya malakas. Ang kahinaan natin ay ang ating kalakasan. Marahil magulo sa idelohiya ng iba, ngunit ang iyong kahinaan ang siyang magiging lakas mo sa oras na ito ay iyong kalabanin, at mapagwagian. Kung nagawa mo iyon, ang ibig sabihin lamang nun ay nanalo ka, naharap mo ang iyong sarili, ang sarili mo lamang ang iyong kalaban eh. ----

Your worst enemy is yourself, your greatest friend is yourself.

The Iron-Mask Man.

Isang taong nagtatago sa isang maskara.
Maraming nais sabihin na 'di kayang isigaw.
Malalaman pa ba ang tunay na dahilan sa kanyang pagtatago?
O tuluyan na niyang hahayaan ang suot na maskara ang humarap sa tao?